ماذا يحدث لليفربول وصلاح هذا العام

اكبر غلطة ارتكبتها ادارة ليفربول و يورجن كلوب هيا فكرة ال Switching بين الادوار !! 

من الصعب و من المستحيل و من غير المنطقي و من غير الواقعي انك تحول ادوار لاعب بحجم محمد صلاح من ادوار ال Finisher style لانه اساسا بروفايل Clinical finisher الي دور ال Creator 

ف بدل ما كنت بتستخدم الورقة دي في مرحلة الاختراق 

انت حاليا بتستخدمها في المرحلة اللي قبليها " مرحلة خلق الفرص " 

ف لما عملت switch كمان بين ماني و نونيز ، مقدرتش تعمل حساب تغيير البروفايل نفسه ، و ان ماني مع كل هجمة في مرحلة التدرج الخاص به هو هيرمي ضهره لمرمي الخصم و هيدور في ممر العمق بالكامل عشان يفتح زوايا تمرير متعددة ، العمودي مباشرة من ماتيب ، القطري من ارنولد او روبو ، الفكرة كلها في كسر خطوط المنتصف و العبور من مرحلة التدرج الي مرحلة خلق الفرص 

في نفس الوقت انت بتخترق بدون كرة بسلاحين زي صلاح و دياز من اواخر انصاف المساحات او كمان في العمق ، بتحول مرجعية الخط الاخير لماني و بتتحرك من الزوايا العمياء بالنسبة لهم ب صلاح و دياز ف هنا صلاح يكون ال Clinical finisher الخاص بهيكلك التكتيكي ..

لكن مع وجود نونيز كمهاجم Target man انت مش قادر تطبق اسلوبك التكتيكي اللي انت متعود عليه بقالك سنين مع الفريق بسبب تغيير البروفايل ، و عشان تغير الادوار انت محتاج وقت مهوووول لان مستحيل بعد ٦ سنين تيجي تقول لصلاح معلش مش هتكون Clinical finisher لكن هتكون Creator و تخلق فرص و كدة عشان نونيز يكون ال Clinical finihser .. 

و الدليل علي الكلام ده في خلال نص ساعة فقط امام فولهام + شوط و شوية امام البالاس + شوط واحد امام ايفرتون = داروين نونيز ضيع ٤ فرص محققة للتسجيل كتاني اكتر لاعب ضيع فرص محققة في الدوري خلف ميتروفيتش .. 

و الدليل برضه علي الكلام ده ان محمد صلاح خلق 24 فرصة كاكتر لاعب خلق فرص في الدوري حتي الان ، في خلال ٦ مباريات بمعدل ٤ فرص في كل مباراة .. 

الارقام دي هيا اللي بتفسر الكلام 

ان نونيز في عدد دقايق قليل جدا بتوصله فرص كتير محققة امام المرمي

و ان صلاح كاساسي في ٦ مباريات مجالوش نفس عدد الفرص اللي جه لنونيز بل بالعكس ده خلق عدد فرص مهول حتي هذه اللحظة .. 

طب ده معناه ان صلاح مكنش بيخلق فرص قبل كدة مثلا ؟ 🤔

لا كان بيخلق بس مكنش اكتر لاعب بيخلق فرص داخل فريقه ، صلاح خلق ٦٣ فرصة الموسم اللي فات في البريميرليج علي مدار ٣٥ مباراة ، ارنولد كان اكتر لاعب خلق فرص في ليفربول و كمان في الدوري كله برصيد 90 فرصة .. 

لو جينا نشوف الموسم ده بمعدل ال ٤ فرص اللي بيخلقهم صلاح كل مباراة و علي مدار ٣٥ مباراة ، هنلاقي المحصلة في النهاية لو ده استمر هيكون 140 فرصة !!!

يعني اكتر من ضعف عدد الفرص اللي خلقها صلاح الموسم الماضي ، رقم مش طبيعي حرفيا .. 

ف انت عارف بقي ال Error اللي بيجيلك علي جهاز ال Laptop ؟ 

حاجة مش مفهومة بالنسبة لل Operating system الخاص بالجهاز ، هو ده بالظبط اللي بيحصل مع ليفربول حاليا .. 

ف صلاح جميل و بيخلق فرص ، بس هل انت شايف ان فيه فرد في الفريق حاليا افضل من صلاح في دور الانهاء " Finisher style " عشان تعمل ال Switch بينه و بين نونيز و حتي بينه و بين فيرمينو !!!

هيا دي مغالطة الفريق حاليا .. 

علي كلوب ان يغير فلسفته التكتيكية لان للاسف تواجدت بروفايلات مغايرة للافراد و هو اللي حط نفسه جوة الموقف ده و يا يعالج ب استخدام جوتا كبروفايل معوض لادوار ماني و تحرير صلاح ، يا هيذهب في مهب الريح حرفيا لان الفريق اصبح هش هجوميا بصورة مبالغ فيها خصوصا في مرحلة الانهاء ..

✍️ الرائع Potta Tactics